ការពិព៌ណនាពីរុក្ខជាតិ

ក្រោយពីបានសិក្សាមុខវិជ្ជា “រុក្ខជាតិចង្រៃ” ដែលបង្រៀនដោអ្នកគ្រូ ហ៊ីង ធីតា យើង​​បាន​​​យល់ដឹង និងស្គាល់រុក្ខជាតិចង្រៃយ៉ាងច្រើន ទាំងឈ្មោះ វិទ្យាសាស្រ្ត ឈ្មោះជាភាសាអង់គ្លេស​ និង ឈ្មោះភាសាខ្មែរ ព្រមទាំងវិធានការការពារ និងកំចាត់វត្តមានរបស់ពួកវា។ ដូចដែលយើងបានដឹងហើយថា រុក្ខជាតិចង្រៃគឺជាកត្តាប្រកួតប្រជែងយ៉ាងខ្លាំងជាមួយដំណាំ ទាំងការស្រូបយកសារធាតុចិញ្ចឹម ទឹក ការលូតលាស់ និងពន្លឺផងដែរ មិនតែប៉ុណ្ណោះវាបណ្ដាយឱ្យទិន្នផលដំណាំថយច្រើនយ៉ាង ។  ក្រៅពីការប្រកួតប្រជែងជាមួយដំណាំ វាក៏ជាអ្នកផ្ដល់ទីជម្រកដល់សត្វល្អិតចង្រៃ ដែលបំផ្លាញមកលើដំណាំផងដែរ ។  ការស្គាល់ពីលក្ខណៈក្សេត្របរិស្ថាន លក្ខណៈបន្ដពូជ  ការលូលាស់ និងវដ្ដជីវិតរបស់រុក្ខជាតិចង្រៃមានសារៈសំខាន់ណាស់ក្នុងការ គ្រប់គ្រងទប់ស្កាត់ និងកំចាត់វត្តមានរបសវា កុំឱ្យប្រជែងជាមួយដំណាំ ។  ដូច្នេះហើយ យើងអាចចាត់វិធានការបានទាន់ពេលវេលា និងមានប្រសិទ្ធភាពក្នុងការទប់ស្កាត់ និងកំចាត់វត្តមានរុក្ខជាតិចង្រៃក្នុងចម្ការដំណាំ ព្រមទាំងអាចបង្កើនទិន្នផល និងប្រាក់ចំណូលទៀតផង ។

បន្ទាប់ពីបានស្រាវជ្រាវកិច្ចការនេះមក យើងបានទទួលចំណេះដឹងជាច្រើនដែលទាក់ទងទៅនឹងវត្តមានរុក្ខជាតិចង្រៃ ។  ខាងក្រោមនេះគឺជាការពណ៌នាអំពីរុក្ខជាតិចង្រៃមួយចំនួនដែលក្រុមយើងខ្ញុំបានខិតខំស្រាវជ្រាវ លើកយកមកបង្ហាញ ។

១.  ស្មៅកន្ទុយក្ងោក

ឈ្មោះវិទ្យាសាស្រ្ត ៖      Leptochloa chinensis   (L.) Nees.

សណ្ដាន ៖       Graminea (Poaceae)

ឈ្មោះជាភាសារខ្មែរ ៖     ស្មៅកន្ទុយក្ងោក

ឈ្មោះជាភាសាអង់គ្លេស ៖         Red sprangletop        

ការពិពណ័នា៖   ពហុវត្ស ។

ដើម ៖ ដើមសមាស មូលត្រង់ រាងកោងផ្នែកគល់ គ្មានរោម មានពណ៌ក្រហម​លាយបៃតងស្រាល មានឬសដុះចេញតាមថ្នាំង ។

ស្លឹក ៖ រាងទ្រវែងត្រង់ដូចបន្ទាត់ ស្រួច មានរោមផ្នែកខាងលើ និងគែមស្លឹក ព្រមទាំងមានស្រទបស្លឹក ស្លឹកមានប្រវែងពី ០.៣ ទៅ ១.២ តឹក ។

ផ្កា ៖ ស្ថិតនៅខាងចុងដើម ,កញ្ចុំផ្កាកួរធំប្រវែង ១០ ទៅ ៤០ ស.ម ជាប់នឹងដើមមានពណ៌ស មានធាងផ្កាជាច្រើន Spike នីមួយៗមានប្រវែង ៥ ទៅ ១០ ស.ម ហើយមានអេពីយេពី ៥ ទៅ ៧ និងមានប្រវែងពី ០.៥ ទៅ ០.៧ម.ម ។

ការបន្តពូជ ៖ ដោយគ្រាប់ និង Stolon ។

លក្ខណះលូតលាស់ ៖ ដុះជាគុម្ពៗដើមឡើងទៅលើត្រង់ ហើយស្តើង ពេលខ្លះទ្រេត អាចខ្ពស់ដល់ ១,២ម៉ែត្រ ។

ទីកន្លែងដុះ ៖ ចូលចិត្តដុះនៅក្នុងលក្ខខណ្ឌភក់ ជាទូទៅឃើញមានដុះនៅលើស្រែពង្រោះ។

ប្រភពកំណើត៖ តំបន់ត្រូពិកអាស៊ី

វិធានការកំចាក់ ៖ រៀបចំដីឲ្យបានស្អាតនិងដកដោយដៃនៅពេលវានៅតូច  ពន្លិចទឹកក្នុងរយះពេល១សប្តាហ៍។

វីធានការគីមី៖ ប្រើ Turbo 89 OD កម្រិត ២៥ ម.ម/១៦លីត្រ ។ នៅក្នុងករណីវាដុះជាមួយស្រូវត្រូវប្រើប្រាស់ប្រភេទថ្នាំជ្រើស ដែលមិនប៉ះពាល់ដល់ស្រូវ ។​បើប្រើ Glyphosate បានតែលើដីដែលគ្នានដំណាំប៉ុណ្ណោះ ។

២.  ស្មៅស្កាស

ឈោ្មះវិទ្យាសាស្រ្ត ៖      Panicum  repens L.

សណ្ដាន ៖       Poaceae

ឈោ្មះជាភាសាខ្មែរ ៖      ស្មៅស្កាស ឬ ស្មៅថ្នាំងអំពៅ

ឈ្មោះជាភាសាអង់គ្លេស ៖         Topedograss

ការពិពណ័នា៖   មានអាយុកាល២ឆ្នាំ(Perennial )

·         ដើម ៖ ដុះកោងឡើងទៅលើដែលមានដុះរោម និងមានប្រវែងដើម២០ទៅ​ ៩០ស.ម  មានពណ៌បៃក្រហម​​​​​​​  ព្រឿងៗ ។

·         កញ្ចុំផ្កា ៖ មានកញ្ចុំផ្កាជាកួរធំ មានពណ៌បៃតងលាយស ហើយមានកួរតូចប្រវែងរហូតដល់ ២០ស.ម បែកមែកឆ្មារៗ ត្រង់ ហើយពេលខ្លះកោង។

 

·         ស្លឹក ៖ ស្លឹកមានរាងទ្រវែង មានពណ៌បៃតងខ្ចី  សំប៉ែត ,​ស្លឹកមានដុះរោមលើផ្ទៃស្លឹក និងមានស្រទបស្លឹកជាប់និងដើម មានប្រវែងបណ្តោយពី៧ដល់១៥ស.ម​ ហើយមានទទឹង​ពី ៨ទៅដល់​៨ម.ម។

·         ផ្លែ ៖ ជាផ្លែគ្រាប់សាច់ ពណ៌ត្នោតរាងជាស៊ុតទ្រវែង​ប្រវែង ៣ម.ម។

·         ការបន្តពូជ ៖ ដោយ មើមក្តៀង ។

·         ទីកន្លែងដុះ ៖ នៅក្នុងចម្ការដំណាំធញ្ញជាតិ ចម្ការដំណាំហូបផ្លែ និង ចម្ការបន្លែ ជាពិសេសកន្លែងដែលមានសំណើមខ្ពស់។

·         ដើមកំណើត ៖ វាមានដើមកំណើតនៅអឺរ៉ុបភាគខាងត្បួង ហើយត្រូវបាននាំចូលទៅ សហរដ្ឋអមេរិកនៅឆ្នាំ ១៨៧៦ សម្រាប់ធ្វើជាចំណីសត្វ ។

·         វិធានការកំចាក់ ៖

វិធានការមេកានិច ៖ ត្រូវជំរះ ឬភ្ជួរលប់ធ្វើយ៉ាងណាឲ្យអស់មើមក្តៀង និងកំណាត់ដើមឲ្យអស់ពីក្នុងដី។

វិធានការគីមី ៖ យើងអាចប្រើប្រភេទថ្នាំពុលកសិកម្មឈ្មោះ Ramfit ។

៣.  កាចូត

ឈោ្មះវិទ្យាសាស្រ្ត ៖ Scirpus juncoides Roxb​ 

សណ្ដាន  Cyperaceae

ឈោ្មះជាភាសាខ្មែរៈ  កាចូត

ឈ្មោះជាភាសាអង់គ្លេស : Japanese bulrush or rock bulrush

ការពិពណ័នា៖   កក់ឯកវត្ស

·         ដើម ៖ ដើមដុះឡើងលើត្រង់ ហើយបែកគុម្ពខ្លាំង វាអាចមានកម្ពស់រហូតដល់ ០,៧៥ម៉ែត្រ។

·         កញ្ចុំផ្កា ៖ ស្ថិតនៅផ្នែកខាងចុង និងកណ្ដាលនៃដើម មានរាងអេលីប ស្រួចចុង ជាទូទៅផ្កានៅកណ្ដាលដើមតិចជាងផ្កានៅខាងចុង ។

·         ការបន្តពូជ ៖ ដោយគ្រាប់។

·         ទីកន្លែងដុះ៖ ចូលចិត្តដុះនៅក្នុងលក្ខខណ្ឌដីសើម។ ឃើញមានដុះនៅតាមចង្អូរប្រឡាយ និងនៅតាមវាលស្រែ និងអាចដុះបាននៅលើដីដែលមិនសូវមានជីជាតិ ។

·         ដើមកំណើត៖ វាមានដើមកំណើតនៅប្រទេស អាហ្វ្រិក​ និង​ សាយភាយពេញទ្វីបអាស៊ី ។

 

វិធានការកំចាក់ ៖ ពន្លិចទឹកពីដើមដៃ បង្ហួតដីស្រែឲ្យស្ងួតដើម្បីបញ្ចប់ការលូតលាស់ឡើងវិញបន្ទាប់ពីច្រូតកាត់ស្រូវរួចហើយ ។

វិធានការគីមី៖ ប្រើប្រាស់ថ្នាំកសិកម្ម Glyphosate លាយជាមួយ ម្សៅរូបក្បាលឆ្កែ ១ស្លាបព្រាបាយ សម្រាប់ធុង

ចំណុះ ១៧ លីត្រ ។

៤.  កក់ភ្នែកក្ដាមធំ 

ឈោ្មះវិទ្យាសាស្រ្ត ៖ Fimbristylis dichotoma  (L.) Vahl

សណ្ដាន ៖ Cyperaceae

ឈោ្មះជាភាសាខ្មែរ ៖ កក់ភ្នែកក្តាមធំ

ឈ្មោះជាភាសាអង់គ្លេស ៖ Tall- fringe rush

ការពិពណ័នា ៖  កក់ពហុវត្ស

·         ដើម ៖ ដើមដុះឡើងលើត្រង់។ វាអាចប្រែប្រួលក្នុងការលូតលាស់ និងទំហំកញ្ចុំផ្កា។ វាអាចមានកម្ពស់រហូតដល់០,៧ ម៉ែត្រ។

·         កញ្ចុំផ្កា ៖ នៅផ្នែកខាងចុង ឬ គល់ស្លឹក មានប្រវែងពី ៦ ទៅ ៨ ស.ម មានស្លឹកអមផ្កាចំនួន ៦ ។ អេពីយេនីមួយៗមានអង្កត់ផ្ចិត ២-២.៥ ម.ម ។

·         ស្លឹក ៖ តួរស្លឹកវែង ១០ ទៅ ១៥ ស.ម មានរោមផ្នែកខាងលើនៃផ្ទៃស្លឹក ភាគច្រើនស្លឹកមានតែនៅផ្នែកគល់តែប៉ុណ្ណោះ ។

·         ការបន្តពូជ ៖ ដោយគ្រាប់​ និង មើមក្ដៀង ។

·         ទីកន្លែងដុះ៖ ចូលចិត្តដុះនៅក្នុងលក្ខខណ្ឌដីសើម។ ឃើញមានដុះនៅលើដីទំនេរ និងតាមវាលស្រែ។

·         ប្រភពកំណើត៖ អាស៊ី និងអាហ្រ្វិក

វិធានការកំចាក់ ៖ ពន្លិចទឹកពីដើមដៃ និងដកដោយដៃ និងភ្ជួររាស់ដី។

វិធានការគីមី៖ ប្រើថ្នាំ Tiller SL កម្រិត ២៥​ម.ម/ ១៦លីត្រ ។

៥.  វល្លិ៍ត្រដិត 

ឈោ្មះវិទ្យាសាស្រ្ត ៖ Cayratia trifolia

សណ្ដាន ៖ Vitaceae

ឈោ្មះជាភាសាខ្មែរ ៖ វល្លិ៍ត្រដិត

ឈ្មោះជាភាសាអង់គ្លេស ៖  Threeleaf cayratia or Fox grape

ការពិពណ័នា៖   វល្លិ៍ពហុវត្ស

 

​​​​​​​​​​​​​​​​​​​​​​​​​​​​​​​​​​​​​​

·         ដើម ៖ វល្លិ៍ រលាង ជាទូទៅមានប្រវែង ៣.៤ ម៉ែត្រ និងទទឺង ២.៥ សង់ទីម៉ែត្រ ។

·         ស្លឹក ៖ រួមបី ដែលមានកូនស្លឹករាង ស៊ុតស្រួចចុង ទៅរាងត្រីកោណ និងគែមស្លឹករាងធ្មេញស្រួច ។

·         ដៃវល្លិ៍ ៖ ដុះឈមនិងស្លឹកនិមួយៗ តាមបណ្ដោយដើម ។

·         កញ្ចុំផ្កា ៖ ប្រវែង ៦.១០ សង់ទីម៉ែត្រ រាងសំប៉ែតត្រឹម រឺរាងឆ័ត្រ ។

·         ផ្កា ៖ តូចៗ ពណ៌ស ទៅពណ៌ ពងមាន់ ។

·         ផ្លែ ៖ តូចមូលពណ៌ បៃតងប្រែជាខ្មៅ ពេលទុំ ។

·         ទីកន្លែងដុះ៖ រុក្ខជាតិនេះដុះនៅជុំវិញ រឺក្នុងចំការដំណាំ តែមិនទំនងជាធន់នឹងការភ្ជួរាស់ជាបន្ដបន្ទាប់គ្នាទេ ។

·         ប្រភពកំណើត៖  ប្រទេសឥណ្ឌា និងភាគខាងត្បួងប្រទេសចិន ។

វិធានការកំចាក់ ៖ ដោយមេកានិច ត្រូវដក,ជំរះវាពេលចេញពន្លក ។

វិធានការគីមី៖  បើប្រើថ្នាំ Glyphosate ៣០០ ម.ម លាយជាមួយម្សៅរូបក្បាលឆ្កែ ១ស្កាបព្រាបាយ សម្រាប់ធុងចំណុះ ១៧ លីត្រ ។

៦.  មមាញស្រុក 

ឈោ្មះវិទ្យាសាស្រ្ត ៖ Cleome gynandra

សណ្ដាន ៖ Capparidaceae

ឈោ្មះជាភាសាខ្មែរ ៖ មមាញស្រុក

ឈ្មោះជាភាសាអង់គ្លេស ៖ Cat’s whiskers

ការពិពណ័នា ៖  តិណទេសឯកវត្ស 

·         ដើម ៖ កំពស់ ០.៥ ទៅ ១.៥ ម៉ែត្រ មិនបែកមែក រឺ បែកមួយៗ មានរោម មានពកមូលនៅខាងចុង ។

·         ស្លឹក ៖ ៣ ទៅ ៧ កូនស្លឹក រាងផ្លែលំពែងទៅរាងត្បូងពេជ្រ ប្រវែង ២ ទៅ ៧ ស.ម និងទទឹង ១ ទៅ ៣.៨ ស.ម គែមដូចធ្មេញរណា ទងស្លឹកប្រវែង ៣ ទៅ ៩ ស.ម ទងស្លឹកមានរោម ។

·         ផ្កា ៖ ចង្កោម មានស្លឹករួមបីនៅខាងក្រោម ទ្របកផ្កាមានទង ស្រទាប់ផ្កាពណ៌ស ប្រវែង ១ទៅ២ ស.ម ។

·          ផ្លែ ៖ គ្មានសាច់ រាងបំពង់តូចប្រវែង ៣ ទៅ ១១ សង់ទីម៉ែត្រ អង្កត់ផ្ចិត ៤ ទៅ ៥ ម.ម មានគ្រាប់ច្រើន ។

 

·         ទីកន្លែងដុះ ៖ មានដុះនៅតាមដីស្ងួត ពិសេសតាមដងផ្លូវ វាលស្មៅ និងមានវត្តមានក្នុងចំការដំណាំ ។ វាអាចដុះបានល្អនៅលើដីដែលមាន pH 5.8 ។

·         ប្រភពកំណើត៖  ទ្វីបអាហ្វ្រិក​ និង អាស៊ីអាគ្នេយ៍ ។

វិធានការកំចាក់ ៖ កាត់ ឬកដនៅពេលវាមិនទាន់ចេញគ្រាប់ ភ្ជួរលុប វាមិនប្រជែងខ្លាំងជាមួយដំណាំទេ ។

៧.  សណ្ដែកខ្មោច

ឈ្មោះវិទ្យាសាស្រ្ត ៖ Cassia occidentails L

សណ្តាន ៖ Fabaceae

ឈ្មោះជាភាសាខ្មែរ ៖ សណ្តែកខ្មោច

ឈ្មោះជាភាសាអង់គ្លេស ៖ Coffee senna

ការពិពណ៌នា      តិណទេសឯកវត្ស ។

 

·         ដើម ៖ទោលឈរត្រង់ កំពស់រហូតដល់ ២ ម៉ែត្រ មានជាតិឈើ​ បែកមែកច្រើន។

·         ស្លឹក ៖ ស្លឹករួម ឬស្លឹកស្និតគូ  រាងពងក្រពើស្រួចចុង រលោង ប្រវែងប្រហែល ២.៥​ ស.ម ។

·         ផ្កា ៖ នៅផ្នែកខាងចុងនៃដើម និងចន្លោះគល់ស្លឹក ជាចង្រោម ផ្កាមានទ្របក ៤ ទៅ ៦ ស្រទាប់៥ មានប្រវែងប្រហែល ២ ស.ម និងកេសឈ្មោល​ ៥ ទៅ ៦ ពណ៌លឿង ។

·         ផ្លែ ៖ ជាគួរមូលទ្រវែង ពណ៌ត្នោតចាស់ និងកោងឡើងលើបន្តិចមានប្រវែងប្រហែល ៨ ស.ម

មានរោមតិចៗ។

·         គ្រាប់ ៖ ពណ៌ត្នោតចាស់ និងសំប៉ែតចុងសងខាង ។

·         ការបន្តពូជ ៖ ដោយគ្រាប់ ។

·         ប្រភពកំណើត​ ៖ ភាគខាងត្បួងប្រទេសឥណ្ឌា ។

·         លំនៅស្ថាន ៖ មានដុះនៅតាមនៅតាមដងផ្លូវ ដីទំនេរ កន្លែងកប់ខ្មោច និងចំការដំណាំ ។

វិធានការកំចាត់ ៖ កាត់ រឺ ដកនៅមុនពេលរុក្ខជាតិបង្កើតគ្រាប់ អាចបំបាត់វាបាន ។

វិធានការគីំមី៖ ប្រើថ្នាំកសិកម្ម Glyphosate ។

៨.  ស្លាបទា

ឈ្មោះវិទ្យាសាស្រ្ត ៖      Commelina benghalensis L

សណ្ដាន ៖       CMMELINACEAE

ឈ្មោះជាភាសារខ្មែរ ៖     ស្លាបទា

ឈ្មោះជាភាសាអង់គ្លេស ៖         Dayflower.

ការពិពណ៌នា      ពហុវត្ស

ជារុក្ខជាតិដើមវារ ថ្នាំងមានរឹសដុះ គ្មានជាតិឈើ អាយុច្រើនឆ្នាំ កំពស់រហូតដល់ ៦០ សម ។

 

  

·         ដើម ៖ ដើមវារមានរោមក្រាស់ ហើយទន់ រាងមូល គ្មានជាតិឈើ ហើយមានកំពស់ប្រហែល 40-50ស.ម ។

·         ស្លឹក ៖ ទោលឆ្លាស់ រាងស្ទើរមូលស្រួចចុងបន្តិច បណ្ដោយ 6 ទៅ 10ស.ម ទទឹ២ ទៅ 5ស.ម  មានរោមពណ៌ដូចច្រេះ គល់ស្លឹកមានរោមឆ្មារៗពណ៍ត្នោត ។

·         កញ្ចុំផ្កា ៖ នៅផ្នែកខាងចុងមានពី 3-4ពណ៍ខៀវ ប្រវែង 3-4ម.ម ថិតនៅលើទងមួយយ៉ាងឆ្មារៗ ដែលដុះពេញពីស្រទាប់ផ្កាមានរាងដូចផ្លិត ស្រទាប់ផ្កាមានបណ្ដោយនិងទទឹងពី1.5  - 2ស.ម ។ 

·         គ្រាប់ ៖ ពណ៍ខ្មៅរាងជ្រួញហើយមានប្រវែង 1 – 2 ម.ម ។

·         ការបន្តពូជ ៖ ដោយគ្រាប់ និង( ខ្នែងខ្យល់ )សរីរាង្គលូតលាស់ ។

·         ផ្លែ ៖ មានរាងដូចគ្រាប់សណ្តែកប្រវែង​ 2.5 – 4 ម.ម ។ 

·         លំនៅស្ថាន៖ ក្នុងចម្ការដំណាំ ដីទំនេរ តំបន់មិនលិចទឹក ។

·         ប្រភពកំណើត ៖ ត្រូវបានរកឃើញជាលើកដំបូងនៅរដ្ឋ Florida,  USA

វិធានការកំចាត់ ៖ ការបញ្ចូលទឹក ការដកដោយដៃ រឺកំចាត់ដោយម៉ាស៊ីន ការភ្ជួររៀបចំដី និងការដាំដំណាំដែលអាចប្រជែងវាបាន ដូចជា សណ្ដែកដី កប្បាសជាដើម ។

វិធានការគីមី៖ ប្រើថ្នាំកសិកម្ម Glyphosate នៅពេលដែលវានៅតូចៗមានប្រសិទ្ធភាពខ្ពស់ ។

៩.  វល្លិ៍មាស

ឈ្មោះវិទ្យាសាស្រ្ត ៖      Cuscuta chinensis.

សណ្ដាន ៖       Convolvulaceae

ឈ្មោះជាភាសារខ្មែរ ៖     វល្លិ៍មាស

ឈ្មោះជាភាសាអង់គ្លេស ៖            Dodder

ការពិពណ័នា៖   វល្លិ៍ ឯកវត្ស 

·         ដើម ៖ ជាដើមព័ទ្ធហើយដូចខ្សែមានរាងរលោង ពណ័លឿងគ្មានជាតិឈើនិងគ្មានឬសពិតប្រាកដ ។

·         កញ្ចុំផ្កា ៖ ជាចង្កោមជាប់នឹងដើមមានពណ៌សរាងដូចផ្កាយ ។

·         ផ្លែ ៖ រាងមូលរលោងស្រដៀលផ្លែក្រូចដែលមានប្រវែង 0.5 – 1ម.ម ជាទូទៅផ្លែមួយមានគ្រាប់ ៤ ។

·         ការបន្តពូជ ៖ ដោយសិរីរាង្គលូតលាស់និងដោយគ្រាប់ ។

·         ទីកន្លែងដុះ ៖ វាច្រើនដុះតាមសួន,នៅលើដើមរុក្ខជាតិធំ ដីទំនេរ។

 

·         ដើមកំណើត ៖ មកពីប្រទេសឥណ្ឌា(លោកFritz Geller-Grimm ជនជាតិអាមេរិចដែលបានដាក់ឈ្មោះនៅឆ្នាំ 2000) ។

វិធានការកំចាក់ ៖ ដោយមេកានិច ត្រូវដក,ជំរះវាពេលចេញពន្លក ។

វិធានការគីមី៖ បើប្រើថ្នាំពុល ប្រើថ្នាំButachlor,Glyphosate,។

១០.  ទឹកដោះ ខ្លាតូច 

ឈោ្មះវិទ្យាសាស្រ្ត ៖ Euphobia hirta Linn

សណ្ដាន ៖ Euphorbiaeceae

ឈោ្មះជាភាសាខ្មែរ ៖​ ទឹកដោះខ្លាតូច

ឈ្មោះជាភាសាអង់គ្លេស ៖ Garden spurs

ការពិពណ័នា ៖  ឯកវត្ស

·         ដើម ៖ ដើមក្រាបនឹងដីឬកោងឡើងទៅលើ មានពណ៌ក្រហម​ បែកមែកតិចតួចចេញពីគល់ផ្នែកខាងក្រោម មានរោមយ៉ាងក្រាស់ពណ៌លឿង គ្មានជាតិឈើមានជ័រដូចទឹកដោះ មានកំពស់១៥ដល់៥០ស.ម។

·         ស្លឹក ៖ ទោលរាងដូចផ្លែលំពែងខាងចុងស្រួច (asymmetrical) គែមស្លឹកជាធ្មេញរណារតូច មានរោមនៅផ្នែកខាងក្រោមនៃផ្ទៃស្លឹកនិងទងខ្ចី​មានប្រវែង១ដល់៤ស.ម។

·         ផ្កា ៖ ជាកញ្ចុំយ៉ាងក្រាស់នៅគល់ស្លឹក ពណ៌បៃតងឬផ្កាឈូក មានទងខ្លីគ្មានស្រទាប់ផ្កា។

·         បន្តពូជ ៖ ដោយគ្រាប់​ មានពណ៌លក្រហមត្នោត

·         ទីកន្លែងដុះ ៖ តាមចិញ្ចើមថ្នល់ ដីទំនេរ ចំការដំណាំធញ្ញជាតិ ឈើហូបផ្លែ ដំណាំបន្លែ...។

·         ប្រភពកំណើត៖  អាហ្រ្វិកកណ្ដាល ។

វិធានការកំចាក់ ៖

·         វិធានការមេកានិច: ត្រូវដក ឬជំរៈឲ្យបានស្អាតពីដី មុនពេលវាបង្កើតគ្រាប់។

·         វិធានការគីមី: គឺត្រូវប្រើថ្នាំពុល​ កសិកម្ម Vinegar ។

 

ឯកសារយោង

១. សៀវភៅឈ្មោះរុក្ខជាតិចង្រៃសំខាន់ៗនៅក្នុងប្រទេសកម្ពុជា រៀបរៀងដោយ អ្នកគ្រូ ហ៊ីង ធីតា

២. ការពិពណ៍នាពីរុក្ខជាតិចង្រៃនៅកម្ពុជារបស់ លោកគ្រូ ម៉ើ សុសរី

៣. www.wikipedia.com

៤. www.google.com

៥. Weeds of Rice Book